Avataasiorluni tunisassiuutigalugu aalisarnermi pisat ukiup affaa siulleq 2015
Avataasiorluni nammineq tunisassiuutigalugu aalisarnermi ukiup affaani siullermi pisat matumuuna kisitsisaataasivitsinni takuneqarsinnaalerput. Uani pineqarput aalisariutit namminneq tunisassiorfillit nunatta nunallu allat imartaani aalisakkanik qalerualinnillu ukiup affaani siullermi pisat. Aammattaaq kisitsisaataasivimmi nunat allat aalisariutaasa nunatta imartaani ukiup affaani siullermi pisaat takuneqarsinnaanngorput.
Maluginiaqquneqarpoq avataasiorluni aalisarnermi pisatut pineqartut tassaamata nammineq aalisariummi tunisassiat, ima paasillugu, kinguppaat, qalerallit saarulliillu avataasiortunit aalisakkerivinnut tunisat kisitsisini ilaanngimmata, taakku tunisinermi naatsorsuutinut ilaareermata.
Pisat ukiup affaani siullermi 2012-imiit – 2015-imut suussutsinut assigiinngitsunut agguarlugit
Najoqqutaq: Naatsorsueqqissaartarfik – takuuk kisitsisaataasivik http://bank.stat.gl/FIN008
Kisitsisaataasivik:
Kisitsisaataasivimmi avataasiorluni nunatta eqqaani imartanilu allani aalisarnermi pisat 2008-miit 2015-imut kisitsisaateqarfimmi takuneqarsinnaapput.
Allanik immikkut paasisaqarusukkuit allaffimmi pisortaq Lars Geraae oqarasuaat toqqaanartoq 34 57 87 atorlugu attavigineqarsinnaavoq.